呃假紙反面教材第七式
問完症之後就做身體檢查。遇過有幾個疑似扮肚痛想攞假紙。有個做Exam時，我都未掂到佢個肚就嗌定先。有個叻D，掂到先嗌。不過佢記性唔好，轉頭再㩒翻同一個位就唔記得嗌痛。同埋讀書嗰陣一路學做肚Exam，都話係要望住病人個樣，而唔係望住自己對手掂緊人哋個肚嘅邊個部位。佢嗌痛嘅時候都冇表情嘅，又係Con唔Convincing嗰問題囉。
最叻個個，度度都嗌痛，佢以為冇死啦，一定攞硬張假紙⋯⋯年輕嘅少年你實在太年輕啦。我係會幫佢 ．call．白．車！
仲唔係Acute Abdomen（即係可大可小，可以有生命嘅危險，可能要即刻開肚做手術）？ 當然，佢係扮嘅就唔會肯去。但係佢講到全個肚都痛，我冇理由唔醫佢。同埋咁痛法唔係淨係放病假就會自己好返架。唔該瞓休息室嘅病床，打番支針，Close Monitor+每30分鐘探下佢，邊走得呀！怕佢情況差嘅時候到時真係要call白車。話晒我都係一個好小心嘅醫生。阿華麗裝扮諗住有成日去拍拖行街睇戲，咁就泡湯了。😏😆
Search